Hönnun loftræsikerfa án óvæntra vandamála

November 2025

MagiCAD er öflugasta lausnin á markaðnum fyrir hönnun tæknikerfa í byggingum, þar með talið loftræstingu. Hér segir Bravida frá því hvernig þau nýta lausnina í daglegu starfi og hvaða ávinning þau sjá í að geta hannað byggingar sem endurspegla raunveruleikann.

Áskorun

Hvernig hannar Bravida loftræsikerfi án þess að óvænt vandamál komi upp?

Lausn

MagiCAD ásamt Revit er helsta verkfærið í daglegri hönnunarvinnu hjá Bravida.

Niðurstaða

„Með MagiCAD getum við hannað niður í smáatriði og séð fyrir þeim áskorunum sem kunna að koma upp. Það er kostur bæði á hönnunarstigi og þegar kemur að framkvæmdum.“

Árangursrík loftræsihönnun án óvæntra vandamála

Yfirskriftin segir í raun allt sem segja þarf: Bravida tekst að vinna að loftræsihönnun án þess að lenda í óvæntum vandamálum.

Það á við um nýju höfuðstöðvarnar í Brabrand við Árósar – en líka um fjölmörg önnur verkefni.

Loftræsihönnun er einmitt sérsvið Anette Hald, sem hefur starfað á þessu sviði í yfir 25 ár. Í dag starfar hún sem verkefnaaðstoðarmaður hjá Bravida og sér um að teikna allar lagnaleiðir fyrir loftræsikerfi frá grunni.

Hönnun loftræsikerfa er krefjandi ferli sem kallar á tæknilega þekkingu, innsýn og nákvæmni til að tryggja að lausnirnar virki í raunveruleikanum, ekki bara á skjánum.

Um Bravida

Hjá Bravida er megináhersla lögð á rafmagn, pípulagnir og loftræstingu. Markmiðið er að gefa byggingum og mannvirkjum líf allan sólarhringinn, allt árið um kring, með því að setja upp og viðhalda þeim kerfum sem sjá til þess að rafmagn, hiti, kæling, vatn, loftræsting og öryggiskerfi virki sem skyldi.

Viðmælandi greinarinnar

Anette Hald starfar sem aðstoðarmaður verkefnastjóra hjá Bravida Danmark A/S og hefur yfir 25 ára reynslu af hönnun loftræsikerfa.

Þótt tæknigögn séu nú aðgengileg fyrir flesta íhluti loftræsikerfa koma engu að síður reglulega upp ýmsar áskoranir við hönnun og framkvæmd.

Hvað gerist þegar kemur að uppsetningu kerfanna? Passa íhlutirnir saman og virka eins og til er ætlast? Er nægilegt rými þar sem gert var ráð fyrir þeim? Er hægt að uppfylla allar kröfur sem gerðar eru til hönnunarinnar, þar á meðal þverfaglegar kröfur? Og hvað með gæðakröfur verkefnisins til að tryggja að uppsetningin gangi hnökralaust fyrir sig?

Spurningarnar eru margar og verkefnin oft flókin.

MagiCAD = tímasparnaður, betri gæði og færri villur

Anette hannar loftræsirásir í MagiCAD á Revit-grunni og hefur gert það allt frá því lausnin kom á markað.

„Ég legg megináherslu á að hanna og stærðarsetja loftræsikerfi í MagiCAD,“ segir Anette. „Ég styð einnig verkefnastjóra, panta rásirnar og er í sambandi við þá sem setja kerfin upp á byggingarstað.“

Hvort sem verkefnið snýst um hönnun nýrra höfuðstöðva Bravida, iðnaðarverkefni eða stærri sjúkrahúsverkefni er nálgunin alltaf sú sama: Fyrir Anette skiptir miklu máli að koma eins snemma inn í ferlið og mögulegt er.

Eins og Anette útskýrir snýst þetta um að hafa góða heildarsýn og tryggja að hönnunin virki í raunveruleikanum, en ekki bara á skjánum.

„Er þetta raunhæft í framkvæmd? Er nægilegt bil milli kerfa? Passa íhlutirnir saman?“

„Það skiptir máli að vera skrefi á undan þeim áskorunum sem geta komið upp. Og það getum við aðeins gert með því að koma snemma inn í ferlið, þannig að við getum brugðist við í tíma. Í því samhengi er MagiCAD öflugt verkfæri sem skiptir miklu máli í undirbúningi hönnunar,“ segir Anette.

Loftræsihönnun er nefnilega ekki einfalt „plug-and-play“ ferli. Í níu af hverjum tíu tilvikum þarf alltaf að gera einhverjar breytingar.

Hvað er SEL-gildi?

SEL-gildi (Specific Fan Power) lýsir því hversu mikla orku viftur þurfa til að flytja loft í gegnum kerfið, frá inntaki að útblæstri.

Hér sjást fjögur af fimm loftræstikerfum sem samanlagt innihalda tvo km af loftrásum, 230 hljóðdeyfa og 459 loftdreifara.

Þegar hanna á 2 km af rásum, 230 hljóðdeyfa og 459 loftdreifara

Hátt til lofts. Vandað efnisval. Og framúrskarandi loftgæði.

Í nýju höfuðstöðvunum í Brabrand hefur Bravida lagt sérstaka áherslu á góð loftgæði innandyra. Hönnunin í MagiCAD hefur gegnt lykilhlutverki við að tryggja það.

Fimm loftræstikerfi með samþættum kælieiningum þjóna í dag rúmlega 5.000 m² skrifstofurými með mikilli lofthæð á tveimur hæðum, ásamt eldhúsaðstöðu, mötuneyti og lager. Heildarloftmagn kerfanna er um 60.000 m³ á klukkustund.

Til að uppfylla kröfur á borð við lágmarksvarmaendurvinnslu upp á 80% (þurrt), skilvirkni varmaskipta samkvæmt DS447 og EN 308 og SEL-gildi sem fer ekki yfir 1,8 J/m³ þarf að taka tillit til margra þátta.

Þar sem lágt SEL-gildi og lítið hljóðstig kalla meðal annars á stærri rásir, og pláss fyrir tæknikerfi er oft takmarkað, skiptir höfuðmáli að hanna raunhæf og framkvæmanleg kerfi. Í því samhengi gefa útreikningar í MagiCAD góða vísbendingu um meðal annars hljóðstig í rýmum og aðra þætti sem geta haft áhrif á endanlega lausn.

„Og það er einmitt það sem gerir MagiCAD að einstöku verkfæri. „Við getum unnið hönnunina til fulls og verið skrefi á undan þeim áskorunum sem geta komið upp. Við getum stærðarsett, jafnað inn og reiknað út hljóðstig í loftræsikerfunum. Það þýðir að við fáum fljótt skýra og faglega yfirsýn yfir hönnunina og getum tryggt að það sé síðan hægt að byggja kerfin og að nægilegt pláss sé til staðar,“ útskýrir Anette.

Að styðja við sjálfbærni með MagiCAD

Samkvæmt Anette er enginn vafi á því að MagiCAD er besta lausnin fyrir þarfir Bravida og engin önnur lausn stenst samanburð.
Það sem skiptir sköpum eru ekki einstakir eiginleikar heldur heildarlausnin sjálf. Meðal annars býður hún upp á möguleika til að útbúa pöntunarlista og reikna út loftflæði og þrýsting í kerfunum.

Að auki hafa margir eiginleikar MagiCAD verið aðlagaðir að ýmsum staðbundnum verklagskröfum. Bravida hefur, ásamt öðrum fyrirtækjum tekið virkan þátt í að móta þær kröfur sem eru í boði. Árangurinn er sýnilegur, meðal annars í hönnun nýju höfuðstöðvanna, þar sem sérstaklega hefur verið tekið mið af vinnuumhverfi, orkunýtni og sjálfbærni.

Stærðargreining höfuðstöðvanna byggir á vandaðri úrvinnslu og skýrum markmiðum um að ná fram sem mestri orkunýtni ásamt því að tryggja gott starfsumhverfi.

Lögð var áhersla á að draga úr hávaða, gegnumtrek og öðrum óþægindum, sem allt stuðlaði að því að byggingin hlaut DGNB-vottun. Sú vottun er viðurkennd sjálfbærnivottun fyrir byggingariðnaðinn og þar gegnir MagiCAD einnig mikilvægu hlutverki.

„Frá sjónarhóli sjálfbærni hjálpar MagiCAD okkur einnig að draga úr efnissóun, þar sem útreikningarnir sýna nákvæmlega hversu mikið efni við þurfum,“ segir Anette að lokum.

Viltu vita meira?

Kostir MagiCAD

MagiCAD er öflugasta lausnin á markaðnum fyrir hönnun tæknikerfa í byggingum bæði þegar kemur að skilvirkri mótun og eftirfylgni breytinga, sem og útreikningum á hönnuninni sjálfri. Með MagiCAD sparar þú tíma, nærð betri gæðum og minnkar líkur á villum í verkefnum. Kynntu þér MagiCAD nánar hér.

Þrjár ástæður fyrir því að fagfólk velur MagiCAD

Þegar kemur að hönnun innanhússkerfa í byggingum er enginn vafi hjá þúsundum MagiCAD notenda um allan heim að MagiCAD veitir traustan grunn fyrir skilvirka og vandaða hönnun tæknikerfa.

Gerðu góða hönnun enn betri

MagiCAD býður upp á fjölmargar aðferðir sem geta lyft hönnun innanhússkerfa úr því að vera einfaldlega góð yfir í að verða framúrskarandi – og úr því að vera skilvirk yfir í að vera fullkomlega hámörkuð. Í þessari vefkynningu, sem er á dönsku, verður farið yfir nokkra gagnlega eiginleika MagiCAD sem oft fara fram hjá notendum – jafnvel eiginleika sem margir vita ekki að séu til.

Verum í góðu sambandi

Árni Guðmundur Guðmundsson

Sölustjóri NTI á Íslandi

Reykjavík - Ísland

+354 537 1945