Svona tengir teymi Moe þvert á fagsvið og landfræðilega fjarlægðir

Áskorun

MOE vinnur á hverjum degi í náinni samvinnu við dótturfyrirtækið í Manila en þeir upplifðu þó mikla erfiðleika sem tengdust líkanaþróuninni í Revit þar sem líkanaskipti áttu sér stað á FTP-þjóni sem skapaði flókið og óviðunandi verkferli.

Lausn

Með BIM 360 Design hefur MOE fundið lausn sem er löguð að þörfum starfsmanna þar sem þeir geta unnið saman í sama Revit-líkani þrátt fyrir mikla landfræðilega fjarlægð á milli þeirra svo lengi sem þeir eru með nettengingu. 

Niðurstöður

”BIM 360 Design hefur umbreytt gagnslausum tíma sem fór í flóknar stjórnsýslutengdar aðgerðir í tíma sem er hægt að eyða í verkefni sem skapa meiri verðmæti. Við höfum sparað okkur einn tíma á dag á hvert verkefni – bæði í Kaupmannahöfn og Manila.”

Hinn alþjóðlegi vinnustaður er orðinn netsamfélag og tæknin gerir það mögulegt í dag að vinna þétt saman með samstarfsfélögum á hinum enda jarðarinnar og tengja þannig fyrirtæki.

Þetta á einnig við í MOE A/S – eitt stærsta og fremsta ráðgjafafyrirtæki í Danmörku á sviði bygginga, orku, iðnaðar og innviða. Fyrirtækið hefur, með sína 900 starfsmenn sem er dreift á skrifstofur í Danmörku og dótturfyrirtæki í Noregi og Filippseyjum ásamt nýlegum samruna við félagið Artelia Group sem eykur fjöldann af samstarfsfélögum í u.þ.b. 6000 hefur fyrirtækið, lagt mikla áherslu á að innleiða nýja tækni í því skyni að bæta samvinnu og búa til skilvirkari verkferla til að þróa tryggar og virðisaukandi lausnir.   

Nauðsynlegt er að hafa stafrænar lausnir sem auðvelda teymismeðlimum að eiga í samskiptum og koma á samræðum þvert á þekkingar og landfræðilega fjarlægð þar sem tímamismunurinn er sjö tímar á milli skrifstofunnar í Kaupmannahöfn og skrifstofunnar í Manila og skipst er á verkefnum daglega

Þetta hefur leitt af sér bæði hægt og óviðunandi verkferli sem torveldar samvinnu milli beggja aðila.

”Áður fyrr gekk þetta þannig fyrir sig að þegar fólkið okkar hér í fyrirtækinu í Buddinge í Kaupmannahöfn kláraði að vinna í líkönunum þá flutti það gögnin yfir á FTP-þjóninn. Kollegarnir í Manila höluðu niður líkönum á eigin þjón þegar þeir mættu á morgnana. Þeir unnu svo í þeim þangað til vinnudeginum lauk og fluttu gögnin aftur yfir á FTP-þjóninn, ” segir Jesper.

Þetta sama ferli endurtók sig á hverjum degi. Ekki nóg með það að þetta orsakaði mikla tímaeyðslu og jók hættuna á mistökum ef skiptin á líkönum misheppnuðust sem þýddi að starfsmaðurinn ynni ekki með uppfært efni. Þetta ákveðna ferli hafði einnig í för með sér annað vandamál sem var mjög tímafrekt. Öll líkön þarf að endurtengja í hvert skipti þegar þeim er hlaðið niður – bæði í Kaupmannahöfn og Manila.  

Heildartímasparnaður með BIM 360 Design: Einn klukkutími á dag fyrir hvert verkefni

Með BIM 360 Design hefur MOE fundið lausn sem er löguð að þörfum þess

”Með BIM 360 Design upplifum við hversu auðvelt það getur verið að vinna saman í Revit-líkani – þrátt fyrir landfræðilega fjarlægð sem er á milli skrifstofanna okkar, ” útskýrir Jesper.

Draumurinn: að sinna verkefnum frá upphafi til enda á BIM 360-verkvanginum

Autodesk BIM 360-verkvangurinn leysir mörg vandamál sem fyrirtæki glímdu áður við. Fyrirtæki fá nauðsynlegt gagnsæi og stjórn yfir byggingaverkefnum á einum heildstæðum verkvangi – frá upphafi til enda. Þau geta séð líkönin þín á spjaldtölvu og öll gögn eru samstillt í rauntíma með síðustu útgáfunni. Þetta tryggir að framleiðnin eykst og þau ná á sama tíma betri gæðum og samhengi í öllu sem þau gera.

 Draumurinn hjá MOE er einnig fólginn í því að geta sinnt verkefnum frá upphafi til enda með BIM 360-tækninni: ”Ég sé marga kosti við að keyra þetta allt saman á einum verkvangi. Þetta felur m.a. í sér að innleiða BIM 360 DOCS fyrir gagnastjórnun og BIM 360 Coordinate fyrir árekstrarstjórnun. En fyrsta skrefið felst í því að prófa DOCS á næstunni sem gerir það að verkum að við höfum alltaf aðgang að síðustu útgáfum af stafrænum skrám og skjölum,” útskýrir Jesper.